يمه منها

هذه المره احببت التغيير
اتمنى ان تنال اعجابكم


شدت الحزام على إيدي -- وقامت تخبط عليها بتململ


تدورشرياني أو وريدي -- وأنا كلي أرتعش وقلبي يرجل


سألتني:ليه عروئك بعيدي؟- قلت:مدري يمكن تستهبل !!


زخت ايدي كأنها صيده -- وصديت بوجهي وقمت أبسمل


شكتني والوجع الله لا يعيده-- روحي طلعت,وفكي تدندل


وطلعت الآه والدمعة عنيده-- وجسمي فز, وانهد, وتعلعل


ردت وقالت: مش هيدي اللي بريده-- دمك ناشف مابدوينزل


مدطرة(مضطرة)التجربة أعيده-- أكيد في الوريد التاني أسهل


حمر وجهي بصورة فريده-- وطار صوتي مني وقام يجلجل


قلت هذا ربي ونحن عبيده-- لوعدتيهامالك عندي الا التبهدل


ايدها بالشكة واجد شديده -- يعني دمها ثقيل ,, وايدها أثقل


قالت:ارتاح اناأصلا جديده-- راح أنادي اللي آعدة هون من أول


قعدت مغصوب وزفرت التنهيده-- حيلة الضعيف تحسيب وتوكل


وجت الثانية ..طويلةعريضه-- من الرعب حسيت جسمي تكبل


مطت ايدي,, وبشكة وحيده-- فرفر دمي ,, وقام يتسلسل


سبحان ربي من خفة ايده-- سحبت دمي وخوفي لحاله تسهل