فديت لهجتى الكويت

في اللهجة الكويتية تتحول بعض الحروف

* حرف القاف أو الكاف يتحول إلى جيم مثلثة مثل:
o قبلة◄جبلة
o فيلكا◄فيلچا
o سمك◄سمچ
o كلب◄چلب
o وأحيانا يتحول إلى گ مثل:
* قهوة◄گـهوة وهنا تنطق جيم خفيفة
* حرف الجيم يتحول إلى ياء
o مسجد◄مسيد
o فجر◄فير

وهنا أسرد بعض الكلمات العامية الكويتية مثالا لاحصرا:

* أبي: أريد.
* أكو: يوجد.
* ماكو:لا يوجد
* سيدا: إلى الأمام.
* نط : اقفز.
* إنقز: إقفز.
* صكر: إقفل.
* صك: إقفل.
* بطّل: إفتح.
* فج: إفتح
* حدر: أسفل.
* دقّوس: شطة.
* صماخ: الرأس.
* شتبي : ماذا تريد؟
* سكّان: عجلة القيادة.
* يم: بجانب.
* شنو ؟: ماذا؟
* فلْته: لايعلى عليه.
* تِصَرْقعْ: خاف خوفا شديدا.
* ياهل: طفل
* بزر: غر لا خبرة له/طفل
* جيتلك: حضرت لك.
* دلوع: من الدلع وتقال في من يتصرف كالأطفال.
* يفتر: يجول، يدور.
* يجندس: ينحني.
* ازقرتي: أنيق.
* ازقرت: ممتاز.
* أدعم: اللون البني.
* جنه البخت: كناية عن جودة الشيء.
* زبوط النقعة : كناية عن الشخص الصغير.
* مفجور فجر: مستخدم استخدام كثير أو شديد أو بالاحرى *فجر* المبالغه فيه انه مستخدم بكثره كبيره
* شقردي: الطموح المتحمس الفطن قوي الشخصية.
* يتطّنز: يسخر من.
* الرقله - اثول: خفيف عقل.
* وهق(نى): ورط(نى).
* سهالات - الشئ السهل

[عدل] أمثال في اللهجة الكويتية

وهنالك ثروة لغوية كبيرة من الأمثلة الشعبية الكويتية التي يشترك أكثرها مع بقية اللهجات العربية منها:

* شحادك يالمسمار قال المطرقه.
* مال البخيل ياكله العيار.
* اللي ماله أول ماله تالي.
* شاق القاع وقايل امباع.
* يغطني بالبحر ويطلعني يابس.
* ما أردى من المربوط إلا المفتلت.
* الناس بالناس والعبدة تندب الراس.
* تحيلقي تميلقي ما في الجدر حكوكه.
* يا شين السرج على البقر.
* إذا طاح الجمل كثرت سكاكينه.
* مد رجولك على قد لحافك.
* اللي مايعرف الصقر يشويه وياكله.
* اشعلم المعيدي باكل الزبيدي.
* مايعرف راسه من كرياسه أو مايعرف كوعه من بوعه (وهي كناية عن الغباء أو السذاجة).
* ماطاح إلا إنبطح.
* واللي بالجدر يطلعه الملاس.
* انطر يا حمار لما يجيك الربيع.
* أقول له ثور يقول احلبوه.
* هاته وهات عباته.
* يجهز الدوا قبل الفلعة.
* من قال (ها) سمع.
* الخال خلي والعم ولي.
* كل من طق طبله قال أنا قبله.
* مع الخيل يا شقرة.
* لا تبوق ولا تخاف.
* الناس للناس والكل بالله.
* إذا فات الفوت ما ينفع الصوت.
* أبو طبيع ما يجوز من طبعه
* إذا بغيت صاحبك دوم حاسبه كل يوم.
* إذا حبتك عيني ما ضامك الدهر.
* إذا حجت البقر على قرونها.
* إذا صار رفيجك حلو لا تاكله كله.
* إذا طاح الجمل كثرت سكاكينه.
* إذا طبع دوس على تريجه.
* إذا فات الفوت ما ينفع الصوت.
* إسأل مجرب ولا تسأل طبيب.
* إش حادك يا المسمار ؟ قال المطرقه.
* إصرف ما في الجيب يأتيك ما في الغيب.
* أضبط من ساعة الملا.
* اقبض من دبش.
* أقضب مجنونك لا يجيك أجن منه.
* إكل ما تشتهي وإلبس ما يعجب الناس.
* إما طلعه ولا طبعه.
* إن طاعك الزمن وإلا طيعه.
* إنطر يا حمار لما يجيك الربيع.
* إنفخ يا شريم قال ماكو برطم.
* الباب اللي يجيك منه الريح سده وإستريح.
* بات مظلوم ولا تبات ظالم.
* بغاها طرب صارت نشب.
* بغى يكحلها عماها.
* بغيناه عون صار فرعون.
* تجيك التهايم وإنت نايم.
* ثوب أطول منك يعتك.
* جارك ثم دارك.
* حاميها حراميها.
* حشر مع الناس عيد.
* حط راسك بين رجليك وإشهد على والديك.
* حط فلوسك بالشمس وإقعد بالذلال (إجلس بالظل).
* خبز خبزتيه يا الرفله إكليه.
* خربان من البيضه.
* دابة الله بأرض الله.
* الذيب ما يهرول عبث.
* راعي النصيفة سالم.
* رزق القطاوه على الخاملات.
* زرع الميانين (المجانين) يطلعه رب العالمين.
* شبعونا طراقات وشبعناهم شتايم.
* شمامها لمامها.
* طارت الطيور بأرزاقها.
* طقاق روحه ما يصيح.
* الطول طول نخله والعقل عقل صخله.
* عتيج الصوف ولا جديد البريسم.
* عمره ما تبخر، تبخر وإحترق.
* عومه مأكوله ومذمومه.
* غصيت فيك يا ماي، شدفعك في.
* فال الله ولا فالك.
* الفرخ يجوجي في البيضه.
* قال عندك تاكل ؟ قال لأ. قال عندك تغرم ؟ قال إي.
* قراقيع صيف.
* قطو وطقيته بمصير.
* كثر الدق يفك اللحام.
* كلٍ بقلبه شيقا ليله (شقاء له).
* كوم حجار ولا هالجار.
* لي بغيب الخبر يشيع عطه (أعطه) أم بزيع.
* لو جريت جري الوحوش غير رزقك ما تحوش.
* لي طار طيرك قول سبيل.
* لي فات الفوت ما ينفع الصوت.
* اللي في الجدر يطلعه الملاس.
* اللي ما يرضى بجزَه، يرضى بجزَه وخروف.
* اللي ما يستحي منك لا تستحي منه.
* اللي ما يطول العنقود يقول حامض.
* اللي ما يطيع يضيع.
* اللي ما يعرف الصقر يشويه.
* اللي ماله أول ماله تالي.
* اللي مو على دينك ما يعينك.
* اللي هذا أوله ينعاف تاليه.
* اللي يجي من الله حياه الله.
* ما تعينك إلا يمينك.
* ما لك إلا خشمك لو كان عوي (أعوج).
* مال عمك لا يهمك.
* مخروش طاح بكروش.
* مد رجولك على قد لحافك.
* مداح نفسه يبي له رفسه.
* مكسورة وتبرَد.
* من طمع طبع.
* نصيبك يصيبك.
* هذا سيفوه وهذي خلاجينه (ملابسه).
* الوجه من الوجه أبيض.
* يا شين شيء ما شابه هله (أهله).
* يا من شرا له من حلاله علَه.
* يفوتك من الجذاب صج وايد.
* يمدح السوق من ربح فيه.
* يوَد (أمسك) الحبَه وفلَت (أفلت) الدبَه.

مشكوووور اخووي على الموضوع وفعلا االكويت افضل لهجى

مشكور اخوي فعلا الكويت اجمل لهجة على اطلاق

ههههههههههههههههههههههههههههههههههههههههههآآآآآي
الصرأإأإأإأإأإأإأإأإأإأإأإأإإإأإأإأإأإأإأإأإأإأإأإأإحه
في كلمات حلووووووووووووووو ه
في كلمات وربي ما عرفت معناها الا بالترجمه
بس هم يستاهلوووووووووووووووووون
اهل الكويت يا بعدي فديتهم
وتقبل مروري
فاطمة
احترآآمي