بسم الله الرحمن الرحيم
قصة حصلت لي في طريق الطويين ( الفجيرة ـ راس الخيمة )
كنت سهرآن في بيت هلي أمس بلفجيرة وقرب الساعة 3 ونص الفجر قررت اني اتوكل بوظبي
وظهرت بوظبي بحفظ المولى , كان الشارع فاضي تماما من السيارات وقرب دوار الطويين تفاجئة بوجود شيئ أسود يمشي بوسط الشارع
جآن اخفف السرعة واطفئ المسجل واسوي أمان لسيارة ( قفل الابواب )
وتفآجئة ..!!!
بوجود حرمة كبيرة بلعمر وزيها يوحي بانها اماراتية تمشي بوسط الشارع
قلبي لزق بسقف الموتر وجان اسرع لتجاوزها لتفادي اي طارئ أو حالة غريبة مثل الجن .. الخ
خذيت اللفة ورجعة وقلبي يدق بقوة , والموبايل على رقم الشرطة 999 تحسبا لأي طارئ , ويوم وصلت قرب الحرمة بطرف الآخر خففت وفتحت الجامة لاشوف ملامح الحرمة كاملة
لآبسة برقع وعباه , ارتاح قلبي من خوفة , ثم خذيت اللفة ورجعت الها وفتحت الها الجامة
قلت الها : الوالدة تبي مساعدة ..؟؟
الوالدة ..؟؟ مامن شر ..؟؟
سوت لي أكبر طاف ونزلت على الوديان الي قرب الشارع
كنت ابا اتصل لـشرطة لعمل الآزم بس ترددت
لان بهذي المناطق يسكن البدو , وهم غالبا يروحون المزرعة من صبايح الله خير
ولآكن شكل الحرمة كان حزين جدآ وملامح ويها مب معلومة ويوم تنظر لها تحس بنوع كبير من الآسى والحزن الشديد ونوع من الكآبة
واذا هي حرمة من المنطقة أو انسان مابتمشي وسط الشارع معرضة حياتها للخطر أو تطلع بوقت متاخر من الليل
ع قولتهم أهل مكة ادرى بشعابها ـ يعني بتعرف على الاقل بانها تمشي بشارع وبتظهر منه
هذا الموقف من أكثر المواقف الي مرت علي رعبـــــــــــآ
وقفت صوب دوار الطويين وأحد المارة من الجنسية البكستانية وقف لي للمساعده وشرحت له الي صار ورويته الحرمة من بعيد ـ وبعد تدقيق منه قسم لي بانها مب انسان
الله كريم
موضوع: قصة رعب حصلت في الامارات 
الأربعاء أغسطس 11, 2010 5:34 pm
